الســلام عليـــكم ورحمـــة اللـــه وبركــــاته
هذا الموضوع من قديم مواضيعي ، بس بما ان المدونة فاضية فقلت احط فيها شيء من القديم
واحاول خلال الايام القادمة اجمع كل المدونات ، واحطها هنا كمرجع
هـاي المدونة كتبتها بعد جملــة قلــتها بــدون شعـــور، وبعــدها فكــرت فيـــها ..
القصة وما فيها
من كــم يــوم دخــل على المســن اخوي وصديقي اللي اعزه وهو عندي غالي \\ قيس المرزوقي
وقبلها بدقايق طرى على بالي ، فيوم دخل بدء الحوار التالي
ملاحظة: الحوار بمعنى ما حدث وليس بالنص !!
انـــا : والله لو طريت مليون احسن لي
قيس : خير ان شا الله ؟
انـــــا : الخير في ويهك ، ما شي طريتك بس
قيس : بالخير ولا بالشر هع
انـــــا : ما شي سلامتك
بس كنت يالس اسولف مع عمري
ويوم انا اسولف مع عمري طريتك
اشتقت لعمري ، فديتني ، وايد طيب ، احبني
قيس : انت حبيب الشعب هههههههههههههه
....الخ الحوار
بعدها فكرت في كلمة مشتاق لعمري ، واسولف مع عمري
بعدها قررت اني اسـافر وازور نفسي ، واشوف اخبارها
لذا
ذهبـت الـى مكــتب سفـــريات، سألت عن طيـــارات الــى قلـــبي
قالي الموظــف ، مب مشكلة ، بس تلحـق ما تلحــق على الطيارة
المهــــم ، ألحق ما ألحق ، ألحق ما ألحق
لحقت والحمد لله،ركبـــت واقلعــــت الطائرة
وحطـــت في مطـــــار قلبـــي، والطيـــارة روحــــت
اكتشـــفت اني ما اعرف متـــى موعـــد العـــودة ( الايــــاب )
يعنـــي توهقــــت في هـــذا المكـــان
تميــــت ادور في قلبــــي عن نفســـي وانا ما اعرفها !!!
ويـــن احصلهــا !!! اول مرة ازورها
شفــــت اماكن فاضيــــة ، وغــــرف وسيعـــــة ما فيهـــا حد
ســـألت لمنـــو الغـــرف، قـــالوا هذولــي ناس عطيتهــم مكـــان فـــي قلبـــك وهـــم ما عيبهم المكـــان وســـافروا من زمــــــان ...
ادور مستأجر جديد هع هع
جلـست ادور بين ها الغرف ، حصلت صوت تعذيب صاير في اخر الممر
جيت اهرب ، بس وين اهرب ، تذكرت انه ما في اياب ، يعني محبوس محبوس
فقلت خير وسيلة للدفاع هي الهجوم ، كشرت عن انيابي ، وحطيت طرف كندورتي في حلجي
ورحت صوب مصدر الصوت ، حصلت وحدة شريرة ، شعرها منكوش ، يالسة تظرب وحدة في ركن صغير في من غرفة ضيقة ..
انا ما سمحت لي رجولتي بهذا المنظر، وفزعت للمسكينة الضعيفونه
ومسكت الثانية الشريرة ، وسحبتها عنها وفريتها بعيد ، ورحت للمسكينة
كانت ضعيـــفة ، مكبلة بالقيوود ، يالسة تصيح وتصيح وتصيح وتصيح
يسلت عندها ، صدت عني، اروح يمين تروح يسار ، اروح يسار تروح يمين
مسكتها غصب ، وهي تصيــــــــــــــــــــتح ، مسحت دموعها
حاولت افك قيود يديها ورجليها ما قدرت وايد قوية !!
قلت لها: انت منو وشو يابك هني
قالت: انا نفسك
انا: انت نفـــسي ، وليش حالج جي ،ومنو هذي؟
نفسي: هذي نفسك الشريرة مستقوية علي من متى
انا: سمحيلي يا نفسي وايد مقصر بحقك
نفسي: ما ردت وايد زعلانة
انا: شفيك ساكته ، بسك دلع، انا اصلا كل اللي ابيه اني ارضيك
نفسي: طع ويهك، الحين انت تبي ترضيني
انا: هيه والله ، ما تشوفيني اختلط بالناس والعب وادرس الجامعة عشان اتوظف وجمع فلوس واخذك وافسحك وتروحي كل مكان تبينه، كل هذا عشان ارضيك
نفسي: افا يا محمد افا، مب انت اللي حفظتني الحديث"من كان همه الآخرة ، جمع الله شمله ، و جعل غناه في قلبه ، و أتته الدنيا و هي راغمة ، و من كانت نيته الدنيا ، فرق الله عليه ضيعته ، و جعل فقره بين عينيه ، و لم يأته من الدنيا إلا ما كتب له "، يعني تي تقص علي
انا: لا والله ما اقص ولا شي ، بس فكي ها الكشرة، شو مقصر بحقك الحيــن
نفسي: متى اخر مرة كلمتني فيها
انا: !!!!! ما حصلت جواب
نفسي: سالت دمعتها على وجنتيها مرة ثانية وخنقتها العبرة
قربت منها، مسحت دمعتها ، حضنتها ، مسحت على شعرها ، سألتها
انا شو قصرت معاك
نفسي: انت تعرف الناس كلهم وما تعرفني
انت ما تصارحتني
انت ما تدور مصلحتي
انت تفكـر بالناس كلهم وما تفكر فيني
انت ما تكلمني
انا: حرام عليك، ليش انت جي، تعالي الحين، انا ما اكلمك !!
منو اصلا ما يكلم نفسه ، اللي ما يكلم نفسه مب طبيعي
نفسي: هيه تكلمني ، بس انا كل ما تكلمني انا اتعذب زيادة
انا: كيف يعني
نفسي: يعني يوم تكلمني ، ما تكلمني عشاني ، وتشوف شو ابي وشو ما ابي
يوم تكلمني ، ما تسألني كيف حالي، اول شي تكلمني بسوق الاسهم ، وانا الدنيا عفتها، تخلص من سوق الاسهم تبدأ تكلمني بالميدتيرمات ، وامتحاناتك اخلص من هذا ، تكلمني بفلان شو سوى ، وفلان شو قال، ويوم اقول الحمد لله خلص من كل هذي الامور تيلس تفكر في المنتدى وشو مواضيع تنزل فيه، همك كله انك ترضي الناس، ما همك انك ترضي ربك ، حتى تحول اكثر الل تسويه نفاق عشان الناس ما في يوم من الايام سألتني ، انت شو ترتاحي له ، انت شو تبي وتسويه لي، وتعرف شو اللي يعذبني وتبعد عنه ..
انا: انا اسف صراحة ، ما ادري ، ولك وعد اني بعد اليوم اهتم فيك
نفسي: !!! لا تعليق
انا : تكلمي
نفسي: شو تبيني اقول
انا: ابي اعرف شو يرضيك وشو اللي يزعلك
نفسي: ما يبيلها ذكاء
" ومن اعرض عن ذكري فان له معيشة ظنكى "
" من عمل صالحا من ذكر وانثى وهو مؤمن فلنحيينه حياة طيبة "
انا: ان شا الله ابشري باللي يسرك
نفسي: اتمنى والله ، ترى انا وياك ، اما نروح النار سوى ولا نروح الجنة سوى
وانا ابي نروح الجنة سوى
انا: طيب دامك تتمنين نروح الجنة ، عيل ليش مب نفس قبل
قبل كنتي تقوميني للفجر بدون منبه ، كنت تحببيني في اصدقاء الخير، كنتي تكرهيني في الدنيا واهلها ، كنتي تأمريني بالمعروف وتنهيني عن الشر ، والحين ما تكلميني ، يعني انا اشتفت لك ، فديتج
ردينا للعنوان ، الحين وينك ليش مقصرة فيني
نفسي: بعد كل اللي هذا تقول انا مقصرة ما تشوف حالتي، ما تشوفني مسجونة واتعذب !!
انا: ليش يعني ، منو سو فيك جي
نفسي : انتو الثلاثة
انا: منو نحن الثلاثة
نفسي: شيطانك ، ونفسك الامارة بالسوء ، وانت
انا: انا !!!
نفسي : هيه انت
وطول الفترة الماضية وانت يالس تقويهم علي
لين سجنتوني ثلاثتكم
انا: طيب الحين كيف يعني انا بالذات، كيف ساعدتهم
نفسي: اول شي برقادك عن الصلاة ، ودخولك في الدنيا، وكل همك الدنيا ، انت الحين قولي ، كم سويت لنفسك وكم سويت لربك ، وفي المقابل شو الوقت اللي تضيعه خاصة على النت، وتضيعه بدون فايدة
انا: خلص والله عرفت ، بس الحين خبريني شو الحل
نفسي: ما يبيلي اعلمك ، انت روحك اللي معلمني قبل
الدعاء ، والاستغفار ، والتوبه
ولا تنسى حديث الرسول: " إن الله قال : من عادى لي وليا فقد آذنته بالحرب ، وما تقرب إلي عبدي بشيء أحب إلي مما افترضت عليه ، وما يزال عبدي يتقرب إلي بالنوافل حتى أحبه ، فإذا أحببته : كنت سمعه الذي يسمع به ، وبصره الذي يبصر به ، ويده التي يبطش بها ، ورجله التي يمشي بها ، وإن سألني لأعطينه ، ولئن استعاذني لأعيذنه ، وما ترددت عن شيء أنا فاعله ترددي عن نفس المؤمن ، يكره الموت وأنا أكره مساءته "
بدأت اسمع صوت جرس، بدأت اركز من وين المصدر
جا في بالي انه ملك الموت جا ياخذ روحي ، وانا بعدني ما تبت، وبدأت اقول الله شبيسوي فيني ، شو بقوله يوم يسألني
فجأة ، انتبهت ، اكتشفت انه واحد من الشباب يتصل وقطع علي تفكيري
تميت بعدها حاط يدي على خدي
أفكر في حالي
فجأة حصلت دمعة حــــــــــــــــــــــــــارة نزلت من عيني
استغربت ليش ها الحرارة الفضيعة
وقفت جدام المنظرة ، وطالعت على دمعتي
وسألتها
قلت لها هيه ، شفيك ، عيب ، شطلعك ، انا ريال عيب اصيح
قالت: قلبك اللي مثل النار .. ظو
انــا: قلبي ظو .. وليش ظو يعني
الدمعـة : اللي يالس تسويه ، الذنوب والمعاصي
انــا: يعني تبي تفهميني ان الذنب يحر القلب
الدمعة : ويا خشمك ، ما سمعت حديث الرسول اللهم اغسلني من خطايي بالماء والثلج والبرد
ليش هذا ، هذا عشان المعاصي تسود القلب وتخليه حار
انـــا : ايــــوا ، يعني هذي الحرارة اللي احسها في قلبي والضيقة بهذا السبب
الدمعة : هيه طبعا
انـــا: طيب شلون اغسل قلبي وابرده عشان ايلس مرتاح
الدمعة: "والذين اذا فعلوا فاحشة او ظلموا انفسهم ذكروا الله فاستغفروا لذنوبهم ، ومن يغفر الذنوب الا الله ، ولم يصروا على ما فعلوا وهم يعلمون"
في هذا الوقت ، سمعت رنة التلفون مرة ثانية
وانتبهت من تفكيري، طلع الريال مسكين يتصل علي مرة ثانية
وانا دخلت في غيبوبة من التفكير بلا ارادة
هذا الموضوع من قديم مواضيعي ، بس بما ان المدونة فاضية فقلت احط فيها شيء من القديم
واحاول خلال الايام القادمة اجمع كل المدونات ، واحطها هنا كمرجع
هـاي المدونة كتبتها بعد جملــة قلــتها بــدون شعـــور، وبعــدها فكــرت فيـــها ..
القصة وما فيها
من كــم يــوم دخــل على المســن اخوي وصديقي اللي اعزه وهو عندي غالي \\ قيس المرزوقي
وقبلها بدقايق طرى على بالي ، فيوم دخل بدء الحوار التالي
ملاحظة: الحوار بمعنى ما حدث وليس بالنص !!
انـــا : والله لو طريت مليون احسن لي
قيس : خير ان شا الله ؟
انـــــا : الخير في ويهك ، ما شي طريتك بس
قيس : بالخير ولا بالشر هع
انـــــا : ما شي سلامتك
بس كنت يالس اسولف مع عمري
ويوم انا اسولف مع عمري طريتك
اشتقت لعمري ، فديتني ، وايد طيب ، احبني
قيس : انت حبيب الشعب هههههههههههههه
....الخ الحوار
بعدها فكرت في كلمة مشتاق لعمري ، واسولف مع عمري
بعدها قررت اني اسـافر وازور نفسي ، واشوف اخبارها
لذا
ذهبـت الـى مكــتب سفـــريات، سألت عن طيـــارات الــى قلـــبي
قالي الموظــف ، مب مشكلة ، بس تلحـق ما تلحــق على الطيارة
المهــــم ، ألحق ما ألحق ، ألحق ما ألحق
لحقت والحمد لله،ركبـــت واقلعــــت الطائرة
وحطـــت في مطـــــار قلبـــي، والطيـــارة روحــــت
اكتشـــفت اني ما اعرف متـــى موعـــد العـــودة ( الايــــاب )
يعنـــي توهقــــت في هـــذا المكـــان
تميــــت ادور في قلبــــي عن نفســـي وانا ما اعرفها !!!
ويـــن احصلهــا !!! اول مرة ازورها
شفــــت اماكن فاضيــــة ، وغــــرف وسيعـــــة ما فيهـــا حد
ســـألت لمنـــو الغـــرف، قـــالوا هذولــي ناس عطيتهــم مكـــان فـــي قلبـــك وهـــم ما عيبهم المكـــان وســـافروا من زمــــــان ...
ادور مستأجر جديد هع هع
جلـست ادور بين ها الغرف ، حصلت صوت تعذيب صاير في اخر الممر
جيت اهرب ، بس وين اهرب ، تذكرت انه ما في اياب ، يعني محبوس محبوس
فقلت خير وسيلة للدفاع هي الهجوم ، كشرت عن انيابي ، وحطيت طرف كندورتي في حلجي
ورحت صوب مصدر الصوت ، حصلت وحدة شريرة ، شعرها منكوش ، يالسة تظرب وحدة في ركن صغير في من غرفة ضيقة ..
انا ما سمحت لي رجولتي بهذا المنظر، وفزعت للمسكينة الضعيفونه
ومسكت الثانية الشريرة ، وسحبتها عنها وفريتها بعيد ، ورحت للمسكينة
كانت ضعيـــفة ، مكبلة بالقيوود ، يالسة تصيح وتصيح وتصيح وتصيح
يسلت عندها ، صدت عني، اروح يمين تروح يسار ، اروح يسار تروح يمين
مسكتها غصب ، وهي تصيــــــــــــــــــــتح ، مسحت دموعها
حاولت افك قيود يديها ورجليها ما قدرت وايد قوية !!
قلت لها: انت منو وشو يابك هني
قالت: انا نفسك
انا: انت نفـــسي ، وليش حالج جي ،ومنو هذي؟
نفسي: هذي نفسك الشريرة مستقوية علي من متى
انا: سمحيلي يا نفسي وايد مقصر بحقك
نفسي: ما ردت وايد زعلانة
انا: شفيك ساكته ، بسك دلع، انا اصلا كل اللي ابيه اني ارضيك
نفسي: طع ويهك، الحين انت تبي ترضيني
انا: هيه والله ، ما تشوفيني اختلط بالناس والعب وادرس الجامعة عشان اتوظف وجمع فلوس واخذك وافسحك وتروحي كل مكان تبينه، كل هذا عشان ارضيك
نفسي: افا يا محمد افا، مب انت اللي حفظتني الحديث"من كان همه الآخرة ، جمع الله شمله ، و جعل غناه في قلبه ، و أتته الدنيا و هي راغمة ، و من كانت نيته الدنيا ، فرق الله عليه ضيعته ، و جعل فقره بين عينيه ، و لم يأته من الدنيا إلا ما كتب له "، يعني تي تقص علي
انا: لا والله ما اقص ولا شي ، بس فكي ها الكشرة، شو مقصر بحقك الحيــن
نفسي: متى اخر مرة كلمتني فيها
انا: !!!!! ما حصلت جواب
نفسي: سالت دمعتها على وجنتيها مرة ثانية وخنقتها العبرة
قربت منها، مسحت دمعتها ، حضنتها ، مسحت على شعرها ، سألتها
انا شو قصرت معاك
نفسي: انت تعرف الناس كلهم وما تعرفني
انت ما تصارحتني
انت ما تدور مصلحتي
انت تفكـر بالناس كلهم وما تفكر فيني
انت ما تكلمني
انا: حرام عليك، ليش انت جي، تعالي الحين، انا ما اكلمك !!
منو اصلا ما يكلم نفسه ، اللي ما يكلم نفسه مب طبيعي
نفسي: هيه تكلمني ، بس انا كل ما تكلمني انا اتعذب زيادة
انا: كيف يعني
نفسي: يعني يوم تكلمني ، ما تكلمني عشاني ، وتشوف شو ابي وشو ما ابي
يوم تكلمني ، ما تسألني كيف حالي، اول شي تكلمني بسوق الاسهم ، وانا الدنيا عفتها، تخلص من سوق الاسهم تبدأ تكلمني بالميدتيرمات ، وامتحاناتك اخلص من هذا ، تكلمني بفلان شو سوى ، وفلان شو قال، ويوم اقول الحمد لله خلص من كل هذي الامور تيلس تفكر في المنتدى وشو مواضيع تنزل فيه، همك كله انك ترضي الناس، ما همك انك ترضي ربك ، حتى تحول اكثر الل تسويه نفاق عشان الناس ما في يوم من الايام سألتني ، انت شو ترتاحي له ، انت شو تبي وتسويه لي، وتعرف شو اللي يعذبني وتبعد عنه ..
انا: انا اسف صراحة ، ما ادري ، ولك وعد اني بعد اليوم اهتم فيك
نفسي: !!! لا تعليق
انا : تكلمي
نفسي: شو تبيني اقول
انا: ابي اعرف شو يرضيك وشو اللي يزعلك
نفسي: ما يبيلها ذكاء
" ومن اعرض عن ذكري فان له معيشة ظنكى "
" من عمل صالحا من ذكر وانثى وهو مؤمن فلنحيينه حياة طيبة "
انا: ان شا الله ابشري باللي يسرك
نفسي: اتمنى والله ، ترى انا وياك ، اما نروح النار سوى ولا نروح الجنة سوى
وانا ابي نروح الجنة سوى
انا: طيب دامك تتمنين نروح الجنة ، عيل ليش مب نفس قبل
قبل كنتي تقوميني للفجر بدون منبه ، كنت تحببيني في اصدقاء الخير، كنتي تكرهيني في الدنيا واهلها ، كنتي تأمريني بالمعروف وتنهيني عن الشر ، والحين ما تكلميني ، يعني انا اشتفت لك ، فديتج
ردينا للعنوان ، الحين وينك ليش مقصرة فيني
نفسي: بعد كل اللي هذا تقول انا مقصرة ما تشوف حالتي، ما تشوفني مسجونة واتعذب !!
انا: ليش يعني ، منو سو فيك جي
نفسي : انتو الثلاثة
انا: منو نحن الثلاثة
نفسي: شيطانك ، ونفسك الامارة بالسوء ، وانت
انا: انا !!!
نفسي : هيه انت
وطول الفترة الماضية وانت يالس تقويهم علي
لين سجنتوني ثلاثتكم
انا: طيب الحين كيف يعني انا بالذات، كيف ساعدتهم
نفسي: اول شي برقادك عن الصلاة ، ودخولك في الدنيا، وكل همك الدنيا ، انت الحين قولي ، كم سويت لنفسك وكم سويت لربك ، وفي المقابل شو الوقت اللي تضيعه خاصة على النت، وتضيعه بدون فايدة
انا: خلص والله عرفت ، بس الحين خبريني شو الحل
نفسي: ما يبيلي اعلمك ، انت روحك اللي معلمني قبل
الدعاء ، والاستغفار ، والتوبه
ولا تنسى حديث الرسول: " إن الله قال : من عادى لي وليا فقد آذنته بالحرب ، وما تقرب إلي عبدي بشيء أحب إلي مما افترضت عليه ، وما يزال عبدي يتقرب إلي بالنوافل حتى أحبه ، فإذا أحببته : كنت سمعه الذي يسمع به ، وبصره الذي يبصر به ، ويده التي يبطش بها ، ورجله التي يمشي بها ، وإن سألني لأعطينه ، ولئن استعاذني لأعيذنه ، وما ترددت عن شيء أنا فاعله ترددي عن نفس المؤمن ، يكره الموت وأنا أكره مساءته "
بدأت اسمع صوت جرس، بدأت اركز من وين المصدر
جا في بالي انه ملك الموت جا ياخذ روحي ، وانا بعدني ما تبت، وبدأت اقول الله شبيسوي فيني ، شو بقوله يوم يسألني
فجأة ، انتبهت ، اكتشفت انه واحد من الشباب يتصل وقطع علي تفكيري
تميت بعدها حاط يدي على خدي
أفكر في حالي
فجأة حصلت دمعة حــــــــــــــــــــــــــارة نزلت من عيني
استغربت ليش ها الحرارة الفضيعة
وقفت جدام المنظرة ، وطالعت على دمعتي
وسألتها
قلت لها هيه ، شفيك ، عيب ، شطلعك ، انا ريال عيب اصيح
قالت: قلبك اللي مثل النار .. ظو
انــا: قلبي ظو .. وليش ظو يعني
الدمعـة : اللي يالس تسويه ، الذنوب والمعاصي
انــا: يعني تبي تفهميني ان الذنب يحر القلب
الدمعة : ويا خشمك ، ما سمعت حديث الرسول اللهم اغسلني من خطايي بالماء والثلج والبرد
ليش هذا ، هذا عشان المعاصي تسود القلب وتخليه حار
انـــا : ايــــوا ، يعني هذي الحرارة اللي احسها في قلبي والضيقة بهذا السبب
الدمعة : هيه طبعا
انـــا: طيب شلون اغسل قلبي وابرده عشان ايلس مرتاح
الدمعة: "والذين اذا فعلوا فاحشة او ظلموا انفسهم ذكروا الله فاستغفروا لذنوبهم ، ومن يغفر الذنوب الا الله ، ولم يصروا على ما فعلوا وهم يعلمون"
في هذا الوقت ، سمعت رنة التلفون مرة ثانية
وانتبهت من تفكيري، طلع الريال مسكين يتصل علي مرة ثانية
وانا دخلت في غيبوبة من التفكير بلا ارادة
