السلام عليكم ورحمة الله وبركاته
بحمد الله وفضله
خلصت آآآآخـــر ميدتيرم في هذا الكورس
وبما ان هذا الكورس آخر كورس
اذن هذا اخر ميدتيرم في الجامعة ان شا الله تعالى
ابشر كل من يبغي لي الخير
كانت احسن ميدتيرمات دخلتها ( من حيث النتائج ) والحمد لله
اقدر اقول ان الـ 6 مواد هذا الكورس ممتازة وعلى ما يرام
كنت من كم من يوم عند أ. حسن الفقي المرشد الاكاديمي وسألته عن التقادير المفروض اجيبها
عشان ارفع معدلي 0.1
فقالي لازم تجيب 17 نقطة ونص
يعني بما يعادل 5 مواد بي . ومادة سي بلس
طبعا حسب المواد اللي اخذها اشوفه شي مش صعب (( طبعا بتوفيق الله
فان شا الله الله يوفقني ها الكورس واخذ 4 مواد ايه بكون جمعت 16 نقطة
والباقي مب مشكلة هع هع
الله يوفق كل من يدعي لي ان الله يوفقني ها الكورس واخذ احسن الدرجات
ويصلح له دينه ودنياه
ويحقق كل امنياه
قولوا آمين
..
يقولون بعد الميدتيرمات عطونا اجازة يزاهم الله خير
بدأت الاجازة بس احسها فعلا بتكون اجازة شاقة نوعا ما
لان فيها ضغط بروجكتات
وبعد ضغط في الحضانة شويتين عشان بحاول احدث تغيير ينهض ان شا الله في الحضانة
من هذي الاشياء اني نويت ابدأ في الموقع اللي وعدتكم فيه من عشرين سنة
واللي شجعني انه اخوي طارق الهاجري الله يبارك فيه جا عندنا الحضانة وصور صور اكثر من رائعة
بتشوفوا جزء من الصور ان شا الله في الموقع باذن الله تعالى
بس ادعولنا ان الله يوفقنا
وما توفيقي الا بالله .. عليه توكلت .. وهو رب العرش العظيم
شنسوي الحين .. لازم نسوي شي مفيد
ترى ملل وها البنات ما عندهم سالفة ، افففففففففف
ياللــــــــــــــــــه .. متى بيخلصوا
تراني زعلت .. شكلي برقد
انت شفيك تصور يعني .. سير اقلب ويهك
اننننننننننننننننننننننن .. جي احسن يعني 
كيفي ما ابي اتصور .. عندك مانع
اقولك كيفي .. ترى بضربك الحين 
اقول نزل صوتك تراك فضحتنا .. ما تشوف الناس وراك
