السلام عليكم ورحمة الله وبركاته
,
مثل ما يعرف الكثير اني حاليا مسؤول عن حضانة ( حضانة طيور الأمل
فالحمد لله في الاجازات صار وقتي شبه مشغول
مب بس شبه مشغول .. الا ما شيوقت احك راسي
واكتشفت انه الشغل صح شي متعب لكن احسن وايد من يلسة البطالي
ويوم تكون مسؤول .. أكيد بتواحه اشيا مضحكة واشيا محزنة
مب بس اكيد بتواجه
بل انه يوميا المفروض اشيا تضحكك واشيا ترسم الحزن على ويهك
,
امس كنت اسولف .. فذكرت قصتين حصلوا معاي في نفس اليوم
,,,,,,
الاولى
اخوكم في الله كان جالس عند المديرة يتناقش ويبحث في مواضيع كثير
وليت المواضيع تخلص .. الحمد لله لازم شغل دائم
وكل ما اقول بس باقي لي الشي الفلاني .. اكتشفت ان بعد وراي مليون شي
واللي يجلس معاي يلاحظ اني وانا جالس فجأة اتذكر شي نسيته
نفس الحين توني اتذكر انه شي جيكات المفروض اسير اودعها
ما علينا
المهم طالع من عند المديرة .. وجالس افكر في مشكلة عويصة
وطلعت من الفيلا للحوش << خبركم الحضانة في فيلا
في الحوش عندنا حاطين العاب .. وخلال الدوام الاطفال يطلعون يلعبون
منها تحريك الدم ورياضة .. ومنها تشميس لاحباب الله
فيوم طلعت جا واحد من الملاقيف الصغار ومد يده يسلم علي
فسلمت عليه مباشرة
فيوم البنات والاولاد شافوا واحد سلم علي
صار لازم الحين كل واحد يسلم علي
وتجمع علي خلال ثواني حول 30 طفل وطفلة
وكل واحد ماد يده يسلم علي
وانا اسلم على هذا وعلى هذا وعلى هذا !! دوخت صراحة
واكتشفت بعد فترة انهم يسلمون كم من مرة
المدرسات جالسين بعيد يناظرون ويزقرون الاولاد وانا مبتلش فيهم
لين بالعافية قدرت اتهرب منهم
,,
الموقف الثاني
ركبت السيارة وانا جالس اضحك على اللي صار
ورن الموبايل تقولي السكرتيرة انه المديرة تقول انه ما شي ماي
يا حلوك يا محمد << باللهجة النجدية
طيب شسوي انا
اممممممممم اقدر اقول اني انا صح مب من بيت وايد مرفه
لكن انا اكثر اخواني ترفيه
الشاي ما اعرف اسويه
يعي صاير دلوع الماما
فقلت خلني اسوي شي مفيد في حياتي
فطلعت فوق الملحق .. وعفت فوق التانكي
واكتشفت انه يباله حركة بسيطة واشتغل
ونزلت
طبعا انا مستانس اني سويت انجاز << مع انه عادي بس اول مرة
بس يوم نزلت اكتشفت اني صح رجعت الماي
بس رجعت الماي ورجعت بكندورة تحولت من بيضاء الى بنية من اثر الغبار
وخدوش هنا وهناك في اماكن متفرقة
هذا جزاة الدلوع يوما ما انه ينكرف
,
بالنسبة للحضانة الحمد للماشية عال العال
والله يوفق ويكتب كل خير
وقريبا
بعرض لكم الحضانة واطفالها الحلوين على الموقع
بس بعده الموقع ما سويت الا اني اشتريت الدومين نيم
ان شا الله اخلص شغلة باجر باذن الله وابدأ اشتغل على الموقع
وبس
10 comments:
:) soo nice ..
I'm so intrested when I read it
sooo you know how can you speak (Najdi axcent) :p
الله يبارك فيك اختي
ومشكورة مليون على المرور
ملاحظة
تراني احب السعودية واهل السعودية وكلام اهل السعودية ..
فعلا هناك اشياء صغيره وبسيطه في حياتنا ولكن نشعر بالفرح عندما ننجزها لاول مره ...
والله يوفقكم مع الحضانه
شكرا لمشاركتنا جميل مامررت به في ذلك اليوم =)
يقولون انك مستوي عليك حادث محمد
واتصل عليك لا حياة لمن تنادي
الحمد لله على السلامة .. والله يقومك يا رب بالصحة والعافية
كم مرة قلنا لك انتبه وانت تسوق
خطاك السو
والحمد لله على السلامة
اتمنى لا حد يقلب نعمة المطر الى نقمة
يالله ,شهالخبر
حزنتونا والله
طمنونا عليه
مايشووف شر
وربي يشافيه
=(
الله يباركلكم في الحضانة و يوسع عليكم الرزق.
اما انت فياريت تنكرف شوي عشان تتعلم كيف تخلي والدتك تعملك الشاي بدل ما اتقوم انت واتسويه ههه :-)
اشكر جميع من مر هنا
الله يسلمكم ويبعد عنكم الشر ويبارك فيكم
نراكم على خير
المووضووع واايد حلو،، و يارب عسى تتعلم اتسوي شااي و الا اقوولك كابتشينو أحلى ^_^
نتريا موقع الحضاانة بفاارغ الصبر ياخووي
غزووولة
زين مبروك ع الأنجاز هذا و ننتظر إنجازات أكثر (:
Post a Comment