تسوق واستمتع

السلام عليكم ورحمة الله وبركاته

.

كل يوم لازم يمر الجديد في حياتي انا شخصيا

يعني لازم كل اسبوع على الاقل يكون شي مثير جدا

اذا لم يكن يومي

لو كل يوم اكتب مدونة عن اللي صار معاي عادي وبيكون اشيا كل يوم

جالس افكر اني افتح مدونة يومية اكتب فيها كل يوم شو يصير معاي

بس يمكن ما في حد يتابع

ارد افكر خلني اكتبها وارد اقرها انا بعدين

فجالس افكر الحين اسوي مدونة جديدة بس ما حد يدخلها الا اسماء قليلة

والدخول باشتراك هع هع << امزح.

المهم

اليوم ترى مريض وحرارتي مرتفعه ، بلاعيمي ملتهبة

اجر وعافية

امس يوم رجعت من العين ، وتوني وصلت .. حصلت خواتي من جيت قالوا هذا محمد وصل

شسالفة .. اللاب توب في يدي .. والشنطة اجرها .. دخلت غرفتي .. لحقتني اختي الكبيرة ام لين

وقالت لي من متى نبي نروح السوق بس ما في حد ياخذنا << انا اللي اتلبس في ها السوالف دائما

قلت امري لله .. بعدني ما ارتحت اخذتهم وطلعت

والحريم ما ادراك ما الحريم

صراحة لاعت جبدي << كالعادة

ها المرة بعد مرور اكثر من ساعة وهم يتسوقوا

كانت لين على العرباية .. وانا ادزها

وهم عاد لزم يقلبوا المحل فوق تحت

فقعدت اسولف مع لين .. واضحك معاها

لين جتني فكرة .. اني اصورها

فجلست اقولها تسوي حركات وانا اصورها

بعد شوي .. طالعت وراي.. حصلت جماهير واقفة

مستانسين على الحركات الهبلة اللي جالس اسويها ويضحكوا

.

على بالهم انا سينما

.

المهم هذي كم من صورة .. لا تنسوا ما شا الله

شنسوي الحين .. لازم نسوي شي مفيد

ترى ملل وها البنات ما عندهم سالفة ، افففففففففف

ياللــــــــــــــــــه .. متى بيخلصوا

تراني زعلت .. شكلي برقد

انت شفيك تصور يعني .. سير اقلب ويهك

اننننننننننننننننننننننن .. جي احسن يعني

كيفي ما ابي اتصور .. عندك مانع

اقولك كيفي .. ترى بضربك الحين

اقول نزل صوتك تراك فضحتنا .. ما تشوف الناس وراك