حياة جراند

السلام عليكم ورحمة الله وبركاته

ها الكم يوم من باب كنت نزيل هذا المكان << او بالاصح سجين

اول شي هذي رقم الغرفة

الطابق 15

تحت الجناح الملكي بحبه وحدة

طبعا من باب التواضع جلست في الجناح الاميري

هنا قلنا بسم الله وفتحنا الباب

هيه صدق نسيت اصور القفل مال الباب

علللللللللللللللللللللللللللللة

صدق قهرني .. جناح ملكي وبضرابه يفتح

اهو القفل عن طريق بطاقة .. بس عقب ما ادخل البطاقة يفتح القفل

يوم ابي افتح الباب استخدم اليدين والرجلين

كانت يلستي في الجناح

رقاد

او رقاد

او رقاد

او نت

او نت

او اكل

او شرب

او ... بعدين اقولكم شو هذا

الصورة هذي كنت يالس على النت وصورت هذي الصورة

هيه صح اعتذر عن ردائة الصور بسبب الخلل الفني في الارسال

هذا الميلس

احلى شي في كل شي شيين

الشي الاول بعدين اقولكم اياه

الثاني المنظر .. طبعا من كل مكان فيه درايش

الميلس

غرفة النوم

حتى الحمام

حاولت اصور لكن كميرة موبايل وين تصور من طابق 15 في الليل

احاول باجر اخذ لي جولة في النهار

صحن الفواكه شي يتبدل كل شوي

وبصراحة من كثر الاعتناء تضيق منهم

هذي شي اذكر قاله لنا المحاضر هزاع الكعبي انه لا تثقل على الزبون

وعلى طاري السالفة

تذكرت اليوم العصر يالس في امان الله والجرس يرن مال الغرفة .. يلست قلت الحين بقوم

جان اسمع طق طق طق

مع صوت اغاني

اكتشفت انه حد دخل

وطلعت ويا ويهي في ويه اللي داخلة << تشتغل هناك من اللي ما ادري شو

اهي يوم رنت وما حد رد ظنت انه ما حد موجود

ويوم شافتني تقول شافت يني

وتصارخ من قلب

اغلب الوقت كنت راقد هنا

ما شي الا صورة وحدة !! ما ا دري ليش

مرة ثانية

هذا اكثر مكان عيبني

الديكور فيه فظيع

حتى فكرة الماي يوم تنزل عجيـــبة

الميزان غريب عجيب .. توقف على زجاج

<<< ما بي اشوف حد يسألني عن وزني

طبعا المنظر اللي من الحمام روعة

احلــــى شي الجاكوزي

شي صدق صدق صدق روعة

كل نص ساعة اسوي جاكوزي لمدة ربع ساعة هع هع

الاكل حدث ولا حرج

الوجبة الوحدة يوم طلبت امس على 1300 وخردة

وكنت انا وواحد من الشباب عندنا في الجامعة قربته عندي

قبلها كنت انا نسيبي وحد من الاهل

3

المبلغ

حدث ولا حرج .. ما في داعي اقول لانه ما حد بيصدق

لكـــــــــــــــــــــــــــــــــــــــــــــــــــــــــــــــــــــــــــن

اول شي على قولة المثل

""" الجنة بدون ناس ما تنداس """

نعــــــــــــــــــــــــــــــــــــــــم انشهد انه صدق

ثانيا

تقول الابيات

رغيف خبز يابس تأكـله في عافيــه

وكوز مـاء تشربـه من صافيـــه

وغرفة ضيقة نفسـك فيها راضيــة

ومصحف تدرسه مستنداًعلى ساريـه

خير من السكنى بأبراج القصورالعاليه

وبعد قصر شاهق تصلى بنار حاميـه

بعد بصراحة اشوف يوم اقارن حياتي بنفسي

ما ادري احس يوم الانسان ما يكون عنده فلوس يكون مرتاح البال

هادي النفس منشرح الصدر

مجرد شعور

مهما صرفت ومهما بذلت

والله ما شي اجمل من ركعة تقومها في جوف الليل

تقرأ ايات

وتسجد لله منذلا منكسرا

وتبكي من خشيته وتطمع في مغفرته وكرمه وفضله وجنته

والله اجمل واجمل واجمل واجمل

انقطع حبل افكاري بصراحة

لكن اعتقد الرسالة وصلت انه لا اجمل من العيش في جنب الله

لا اجمل من قراءة كتاب الله

او الجلسة مع اهل الدين والالتزام على حصير

كان عندي وايد كلام في بالي .. لكن احسه طار .. اشكركم على المرور

ألا موت يباع فأشتريه

ألا موت يباع فأشتريه ... فهذا العيش ما لا خير فيه
ألا موت لذيذ الطعم يأتي ... يخلصني من العيش الكريه
إذا أبصرتُ قبراً من بعيد ... وددت لو أنني مما يليه
ألا رحم المهيمن نفس حرٍ ... تصدّق بالوفاةِ على أخيه

ابتسم للدنيا تبتسم لك

ابتســم للدنيـــا تبتســـم لــك


يقول المسج << شاعر اسمه مسج

ما كل من يضحك مع الناس مبسوط &&& يا كثر من يضحك ونفسه حزينه

احيان تمر على الانسان اوقات لا يستطيع ان يمسك نفسه من الضحك

واحيان اخرى لا يستطيع ان يمسك عينه وقلبه عن البكاء ..

ودامنا يبنا طاري البكاء اذكر ها البيتين عن الضحك والبكاء ..

يقول الشاعر جوجل << هذا الشيخ انت اسأله اي سؤال واكيد بتحصل عنده جواب

مــا كل من يضحـك بدنياه مســـرور ....... لــو ضــحكته دايم تــحرك حجاجـه

ومـا كل من يبكي من الناس مقهـور .... بعض الدموع رخاص من شان حاجه

... الخ الابيات ..

ومن يبي القصيدة كاملة يسأل الشيخ جوجل

المهم نرد لموضوعنا

هذا واحد اسمه مجرد انسان << ادعو له بالهداية

راح يمثل جامعة الامارات في اجتماع تمهيدي لمؤتمر << ليش رشحوا مبين الطلاب والطالبات ما يندرى !!

ورحنا الى احدى الجامعات .. ودخلنا في قاعة .. ما شا الله .. اتى اليها من كل فج وجامعة مسؤول وطالب << طلعت وايد جامعات عندنا في الدولة

يلسنا في هذا الاجتماع وايد سوالف استوت ..

لكن ضايقني فيه اني اكتشفت في نص الاجتماع انه وحدة يالسة عدالي ..

انا خفت بصراحة لاني اغلب الوقت كان الكرسي اللي عدالي فاضي ..

لكن فجأة وبدون سابق انذار لمحت سواد ..

فالتفت .. فحصلت بنت << ممن يسوون دعاية ناشونال على ويوههم << طبعا ناشونال اقل من جوتن شوي

اخاف توصل للموضوع واخاف تدوس في بطني

بعدين طبعا مب هذا موضوعنا ولا هذا الشاهد ..

الشاهد انه الاجتماع بدأ يتحول الى ماصخ ..

وبدأت شهوة الكلام تدب بين الحضور واللي ماسك الاجتماع الله يسامحه ..

يوم حد يسأله سؤال يروح شرق وغرب .. وينسى السؤال .. ويكمل ويتكلم ..

ويشرح في قواعد البحث العلمي .. وكم سنه درس طلاب ..

وشو الطلاب يحبون وشو يسألون ..

ودخلنا في اشياء ما لامها داعي ..

اما اللي كنت رايح معاه فكان تعبان حليله .. ويبي يفتك .. فهمست له .. شكلك تبي ترقد ..

فنظر الي كأني اراى عيناه تصرخ ...

وااااااااااااامخدتاااااااااااااااااااااااااااااااااااااااه

وااااااااااااسريراااااااااااااااااااااااااااااااااااااااه

واااااااااااانومااااااااااااااااااااااااااااااااااااااااااه

وااااااااااااابيتااااااااااااااااااااااااااااااااااااااااااه

والاسألة (( المملة والسخيفة اللي ما لها داعي تنهال ))

والمحاضر مسوي فينا جنا يالسين في قطار الموت ..

يروح يمين ..

فجأة يسار ..

فجأة يطلع ..

واخرى ينزل ..

في ذلك الوقت المليل ..

وفي خلال سؤال بايخ ..

جان المسؤول اللي طلعت معاه يميل علي ويقول بطرفته المصرية ..

شكله كل واحد فاكر نفسه رئيس دولة وقاعدين في اجتماع الامم المتحدة ويتفلسفون ..

في هذا الوقت شغلت الهزاز << بحكم اني اجتماع والكميرات شغاله واكتم على نفسي ..

واضحك اضحك اضحك اضحك .. ما نبست بشفه .. لكن اشتغلت على الهزاز << ما ادري متخيلين الموضوع !!

وكل ما انسى السالفة ارد اتذكر وارد مرة ثانية اخش ويهي وايلس اضحك ..

انتهت بحمد الله المحاضرة بنظرات من البعض ودهم يقولون شفيه الخبل هذا يالس يضحك ..

فاحيان الانسان يطب عليه الضحك في مكان غير مناسب

.. << واذكر قصة اخرى اني طلعت اعرض بريزنتيشن في كلاس .. وطب علي الضحك ..

والدكتور عيز معي .. وقالي استريح

ضحكت فقالوا ألا تحتشم **بكيت فقالوا ألا تبتســـــم

بسمت فقالوا يرائي بهــا***عبست فقالوا بدا ما كتــم

صمت فقالوا كليل اللسان***نطقت فقالوا كثير الكــــلم

حلمت فقالوا صنيع الجبان***ولو كان مقتدرا لانتقــــــم

بسلت فقالوا لطيش بـــــه***وما كان مجترئا لو حــكم

يقولون شذ وان قلــت لا***وإمعة حين وافقتهــــــــم

فأيقنت أني مهمـــــــا أرد***رضا الناس لابد من أن أذم

مبروك علي الهدية واستاهل اكثر

السلام عليكم ورحمة الله وبركاته

شحالكم ايها الشعب المجيد
انا ولله الحمد انسان ماتجيني هدايا الا في السنتين مرة
عشان جي يوم حد يهديني شي صغير .. استاااااااااانس حدي

فاليوم وصلتني هدية غريبة ما ظن حد سمع عنها من قبل

الا وهو شاحن للموبايل على الشمس

تقنية غريبة من نوعها . على الاقل انا اول مرة اسمع عنها

اللي مطرشها لي يزاه الله خير وبارك الله فيه يدري ان موبايلي دوووم البطارية مفضية
فخذها لي .. الله يبارك فيه

خذت كم صورة من الشاحن الغريب هذا

هذي صورة الشاحن << طبعا براويكم ان عندي شهادات من الجامعة

عاش الزلمة .. اللي يسمع يقول متفوق

وهذي اللي في الاسفل يوضح الشمس وين تدخل

صدق تعبيري وايد حلو

والصورة الاخيرة كيف الواير يتوصل

طبعا هذا فيه وصلة في النهاية فيها يتوصل على كل انواع الموبايلات الموجودة

واخيـــرا وليس اخرا

ابي كل واحد دخل هني يطرش لي هدية اتذكره فيها

قبل لا انسى طلب صغير ابي تدعون دعوة من القلب حق اللي طرش لي الهدية

وانا بدعي له بعد

يزاه الله خير وبارك فيه وفي ولده وفي اهله