السلام عليكم ورحمة الله
خلني ادخل في الموضوع مباشرة تراني مرة تعبان ونعسان
اونه اليوم ابي اتفلسف واسو نفسي شاطر ومجتهد وقمت بدري
لكن كل الوقت راح على الفاضي وما استفدت شي
المهم
بس كان في خاطري اراويكم اجمل غرفة لاجمل جمعية
هذولي يزاهم الله خير عبود وقيس << نائب الرئيس وامين الصندوق
خلال الاجازة كانوا يرتبوا في الغرفة وقلبوها فوق تحت
الاثاث تبدل
الصبغ صبغوا بنفسهم صبغ ولا اروع
وشي صراحة يفتح النفس
على قولة واحد من الشباب تحس نفسك في شاليه
بعد اللوك الجديد صار الكل يبغي نسخة من المفتاح
وبعد شي مهم ريحة الغرفة ما شا الله .. شي يفتح النفس صراحة
كان في ودي لو يستوي اطلع لكم الرحة مع الصور
اخليكم في جولة في الغرفة عن طريق الصور
في النهاية اشكر كل من الاخ عبود وقيس على الشغل الروعة
واشكر اخونا طارق على التصوير الاروع
والشكر الاكبر والاعمق لي انا ( محمد وافي ) اجمل واروع واحسن رئيس
كل اللي شفتوه بفضل الله ثم بفضل قيادتي الرشيدة
مادح نفسه يباله رفس
14 comments:
سلاااام..
وااااااو بصرااحة جناان أول مرة أعرف انه الشباب لهم زووق فالترتيب ^_~
بس تعاال اللي رتبووهم اهم نفسهم عبوود خوري و عاشق البزنس قيس ما غيرهم و الا،، بصرااحة طلعت جمعيتكم أحلى عن جمعية البناات الا كل الجمعيات اللي عند البناات..
طبعا الشكر الاول لرئيس الجمعية "أونه عااد" له الفضل
بس بصرااحة واايد واايد ذووقهم حلو،، خلااص بخليكم اتصممون لي غرفتي فالسكن ^_^
ma sh allah
very fantastic
I like it very much ..
soo nice .. I would like to borrow the key when I will visit UAE
y36ekm al 3afyah .. & good luck for All =)
غزوولة
هلا مرحبا
امممممممممممم .. في اول دورة قدمناها من خلال الجمعية ( دورة دريم ويفر ) وللعلم التقرير مالها موجود في موقع عين وفي الملتقى .. قلت كلمة ما كنت مرتبها قبل الاجتماع انه من خلال الجمعية نحن نبي نكسر قاعدة انه جمعيات البنات افضل من جمعيات الشباب .. وهذا اللي صاير بشهادة كل من شاف جمعيتنا
بالنسبة لعبود وقيس هيه هم نفسهم
اممممممممم .. انا ترى حاجزهم اول شي يرتبون الحضانة .. ثاني شي يرتبون عش الزوجية احم احم
اشكرك على المرور .. رديت رد قد هذا مرتين .. لكن اكتشفت انه انمسح اهئ اهئ
الله يعافيك راااج .. والمفتاح لج << بس المشكلة ما يدخلون بنات
اشكرك على المرور الفنتك
مالي شغـــل أبا أشووف الرد الجديــم
اللي قد هالرد مرتين
و بصرااحة كسرت القااعدة،، آنا لااازم أخلي البنات يتحركن،، فشيلة جذي ^_~
هع هع هع .. الرد امتسح يكفي اني انقهرت .. كله من النت داخل الغرفة
العلة الوحيدة اللي موجودة للحين
انه الوير لس ضعيف .. كم كلمنا الهلب ديسك وللحين كل يوم يوعدونا
عجييييب حركات شبابيه
ماشااءالله شبااب فنانين
شكلهم البنات غااروا ^_^
اقتراح >> خلي يفتحون لهم مكتب ديكور ترى ممكن يطلبونهم في وقت
وعاد الراي لهم اذا كانوا يبونك مسال المكتب ولا لا
بس انصحهم انهم يحطونك عشان يستفيدون من خبرتك :>
ربي يوفقكم يارب..
شفت شلون كيف نقهر البنات
مكتب الديكور اقترحت على اخونا صاحب التصميم
بس مسؤول المكتب لو اقترحت بيكسرون اثاث المكتب فوق راسي .. غلطة عمر سووها
هع هع
ياعييييييييييييني
يقولون عالسنة الجاية بيعطونا مكتب جديد لجمعيتنا
شرايكم نخلي الديكور عليكم
:D
خبرك الجامعة لو نفرشها ورد ماعطتنا ويه
بس جد جد جد رووووعه
أهنيكم على وجود عالمبدعين معاكم
^
^
وأهم شي الريحه
:D
هههههههههههههه
شرايك في الريحة .. انا بعد عايبتني
اشكرك على المتابعة والزيارة المتكررة
ناااايس .. وطلع عندكم ذوق انتوا الشباب..
يعني يطلع منكم شي.. ههههه
بس صراحه ترتيب حلووو
بس منو اللي يتربع على العرش.. قصدي على كرسي المكتب ...
طبعا الملك هو اللي يتربع على العرش
وانا ملك هذه المملكة
الله يوفق اليميع ويكتب الخير
اشكرك اختي على المرور
بداية جمعية نظم المعلومات الإدارية ما شا الله عليها الكورس الماضي الكل كان بإنها نعم الجمعية بكافة المجالات والشباب فيها ما قصروا....
بس لو شفنا الجمعية من الداخل كنا بنحصل إنو في أعضـاء كانوا بمناصب مش صحيحة يعني وجوده بالجمعية كان يأثر على الغير
مش لسبب معين بس لحتى يبين ويقول أنا موجود وأنا بالمنصب الفلاني...
وبالنسبة للعمل الجماعي لازم يكون مقدر من الجميع مش من أعضاء معينة بس
لإنو مصلحة الجمعية فوق مصالحنا الشخصية_
يعني كان في غلط ارتكبو جميع الأعضاء بالانتخابات الخاصة بالجمعية بس الحمد الله رب العالمين تقريبا كل شي اتصلح
أنا مسؤول عن كل كلمة أقولها والسموحة
أحد أعضــــااااء الجمعية
انا معاك اخوي ابراهيم في كل كلمة قلتها
جزاك الله خير على المرور
Post a Comment