أنا وأمي والأســد ..

السلام عليكم ورحمة الله وبركاته

هذي قصة قديمة .. انحفظت في ذاكرتي لاني تعلمت منها درس يكتب بماء الذهب

منذ 4 سنوات تقريبا .. وبحكم معرفتي في العين .. وخلال الاجازة الصيفية وتحديدا قبل بداية الدراسة بأيام .. أخذت

اهلي في رحله في أرجاء مدينة العيـن ..

.

وكما هو معلوم .. فان احد أهم الاماكن في مدينة العين حديقة الحيوانات ..

دخلت مع هلي حديقة الحيوانات .. وبدأنا بجولة قصير في أرجاءها ..

فسرعان ما دب الضجر في نفس هلي ..

وقالوا بس نبي نروح << هذا على ايام كانت حديقة الحيوانات كئيبة وبدون حيوانات ..

كان الوقت الظهيرة تقريبا .. والحر شديد ..

فقلت لهم خلنا نركب القطار .. فركبنا القطار وتوزعنا ..

فجلست بجانب الوالدة .. طبعا يالسين نسولف في اشيا ما يخصها ..

كان جميع الركاب يطالعون يمنه ويسره .. فلا يرون شيء << عز ظهيرة صيف العين

وكان لا تسمع الا صياح الاطفال وحشرتهم .. وفجأة وقف القطار !!

وقال على يساركم الاسد ..

!! !@#$%^&*)

التفت نظرة سريعة ولم ارى شيئا .. فعاودت النظر الى الوالدة لتكمل حديثها

فلاحظت في ذاك الوقت الوالدة تنظر الى الامام والخلف <<< الى ركاب القطار >>>

وصف الحالة في ذاك الوقت ..

اصوات من كل مكان ...

مناك مناك ..

تشوفه ايوه هناك

ما شفتيه اشيلج فوق ظهري ممكن تشوفي الاسد

حمود ما شفت الاسد راقد هناك تحت الشيرة

ماما مش شايفت الاسد

دانا ما شفتوووش

dad i cant see the lion

here here

there u dont see it

بابو ترررنبلنيبل كيبلميبنل <<< بالهندي

الوالد يحاول يراوي اخواني مكان الاسد ..

^^^^^

هذا حال الناس في ذاك الوقت

حشــــــــــــــــرة كل منهم يريد ان يرى الاسد

^^^^

اما حال اخونا الاسد ..

فــكـــان

اخونا في الله راقد !!

ومع الضجيج والتصوير والعرس اللي صار ..

قام حرك راسه قليلا .. وفرك عينه .. ورد يرقد ..

^^^^^^

حالي انا : اطالع في الوالدة مستغرب شو تدور

الوالدة : التفتت إلي لتقول .. فاعطيتها اذني لاسمع ما تقول ..

.فقالت:محمد شفت الاسد

انا في نفسي اقول اهي تطالع وين.. والاسد وين !! شسالفة يا ربي

قلت لها: امي شكله الاسد راقد وانت تعرفيني انا مب ياي اجوفه .. الا هو أسد

جان تقولي قم شوفه ..

قلت لها امي انا مب طفل اجوف اسد ..

قالت عشاني تشوفه

قلت لها عشانك !!

بدأ القطار يتحرك مرة اخرى وما زال الناس يتهافتون ليرون ذلك الاسد النائم

عشان الوالدة قمت متثاقل .. رأيته وجلست << نظرت للوالدة واقول في خاطري انزين وشو الفايدة

جان تقولي ..

خلك اسد .. شوف الاسد .. وهو راقد .. وقفوا الناس عليه وارتجوا واهتزوا هذا .. وهو .. حيوان .. وراقد .. وما حد شافه اما باقي الحيوانات.. فما حد ذكرهم

فــ خلك اســـد

كانت حكمة تكفي عن الرحلة كلها

فــكــونــوا اســوداً