السلام عليكم والرحمة
وبدا العد التنازلي .. 12 يوم واتحرر من قيود الجامعة
الحمد لله لم ذهبت خمس سنوات من عمري في الجامعة
وبقي 12 يوم لانتهي منها !! الحين وانا اكتب سؤال يتبادر الى ذهني
هل فعلا سيمر 12 يوم لاحس بالحرية بدون الجامعة
ان ان ساعتي ستتوقف قبل مرور 12 يوم
سؤال يمر على بالي << لو انا خيروني شو اختار
امممممممممممم
انا ادعو الله ان يكتب لي ما فيه خير لي .. الحين ولا باجر ولا عقب امية سنة
اللي فيه الخير لي في الدار الاخرة يكتبه لي
اما في نظري القاصر .. فاتمنى من الله ان يطيل عمري لبعد هذي الـ 12 يوم
ليش ؟
لاني احسني واااااااااااااااايد مقصر ، واتريا هذي الايام تمر عشان اعدل من نفسي
أمممممممممممممممممممم
أبي أرد ( ابو عبد الله ) محمد وافي القــديم << بل وأفضل مما كنت عليه في السابق
اسأل الله ان يطيل اعماركم ويحسن اعمالكم
يوم دخلت كان في بالي اشياء اكتبها اشوفني الحين اكتب اشياء ابدا ما كانت في بالي
على كلٍ
اتمنى من كل من مر من هنا ان لا يخبل علي بدعوة صالحة
كـ دعاء جميــل يجمع خير الدنيا والاخرة .. وقد ورد في الاثر عن النبي عليه الصلاة والسلام
اللهم اصلح لي ديني الذي هو عصمة أمري ، واصلح لي دنياي التي فيها معاشي ، واصلح لي آخرتي التي اليها معادي
واجعل الحياة زيادة لي في كل خير .. والموت راحة لي من كل شر
يزاكم الله خيرا
8 comments:
وعليكم والسلام والرحمة
أبو عبدالله الشئ الجميل أنك تراجع نفسك.. ونعرف أنك مقصر
والله يعطيك تسوي اللي في بالك ويصلحك ويصلح الجميع أن شاء الله
كَانَ رَسُولُ اللَّهِ صَلّى اللهُ عَلَيْهِ وسَلَّم يقُولُ : « اللَّهمَّ أَصْلِحْ لي دِيني الَّذي هُوَ عِصْمَةُ أَمْرِي ، وأَصْلِحْ لِي دُنْيَايَ التي فِيهَا مَعَاشِي ، وَأَصْلِحْ لي آخِرَتي الَّتي فِيها معادي، وَاجْعلِ الحيَاةَ زِيادَةً لي في كُلِّ خَيْرٍ ، وَاجْعَلِ الموتَ راحَةً لي مِنْ كُلِّ شَرٍ » رَوَاهُ مسلِمٌ
ربي يوفقك ..
ويطيل ف عمرك ان شا الله وتقضيه بالطاعات ..
ومبروك :)
وفقك الله لما تحب وترضى
من متابعيك من ايام موقع الاداره موقع اسامه الى يومك هذا
واستفدت الحمد الله الكثير من تجاربك ,,
وغيرت فيني للافضل
بس حبيت اقولك ها الشي عشان تعرف ان اللي تكبه استفاد منه الجثير غيري .
ومبروك عليك التخرج
والله يوفقك في الدنيا والاخره
خطأ مطبعي
لما يحب ويرضى )
وليس لما تحب وترضى
سوري لول
الحمد لله .. اعتبرها هذي بشارة
مع اني اعتقد ان المدونة وايد تعبانة
بس المهم منو ؟
السلام عليكم و رحمة الله و بركاته
اشحالك أخوي ؟؟
مبروووووووووووووووك ... اليوم آخر يوم لك في الجامعة إن شاء الله ... و عقبالنا يا رب ... الله يوفقك و يسهل عليك و يوجهك لطريق الصواب و الهداية.
ذاك اليوم قريت موضوعك عن دكتور web application و كنت ناوية أرد بس انشغلت و نسيت أرجع أرد عليك بعدين ... و حليل دكتور حرمين .. من أفضل الدكاترة لو تبغي الصدق ... و على فكرة من النوع اللي يحب يعرف عاداتنا و تقاليدنا .. يحب البلاليط ^0^ .. و اتحسه اجتماعي بعد .. اللي أعرف إنه جمعية كلية تقنية المعلومات (سنة 2005 على ما أظن) ... سووا مباريات و أنشطة كثيرة و كان هو الدكتور من اللي حضروا كل الأنشطة و المباريات.
في شي ثاني بغيت أعلق عليه .. بصراحة في موضوعك حطيت إيدك على مشكلتين أساسيتين اللي انعانيها في كلية تقنية المعلومات
أولها: سالفة إنه الطالبات لهم أيام محددة لزيارة الأوفيسات و الطلاب أيام محددة ثانية... و لما اتقول بتتصل مش الكل يرد عليك ... فيه منهم اللي يذلك لين اتقول بس ... و لا بعد لما اتقول خلاص بروح لأنه الدكتور شكله ما بيي .. بيغسل شراعك لأنك ما اترييته و على قولته مش ملتزم بالوقت ... هذا طبعا سلوك واحد سيء من السلوكيات اللي انواجهها مع الدكاترة.
ثانيها: مومنتو ... هذا لو شو قلت فيه ... ما بيبرد فوادي ... غلاء فاحش في أسعارهم عيل كوب كوفي اللي الناس تاخذه من المكاين بدرهم و درهمين احن ناخذه بخمس و عشر!! ... و الوجبه إن قل سعرها ما بيكون أقل من 15 درهم!!! ... أبدا ما مراعيين الطلبة و مع إنه اتكلمنا في الموضوع لكن محد اتحرك و محد سوالنا شي... الشي الثاني ... ابتزازيين و احتكاريين و مستخفين بالزبائن ... خلني أقولك كيف ... صار لي كم مرة انا و اربيعاتي نطلب من عندهم ... و يردون علينا أنهم ما يوفرون الطلبات ... ليش؟؟ لأسباب جدا سخيفة و المفروض مطعم كبير مثلهم أبدا ما يغلط مثل هالغلطات: دياي ما عندهم ... الغاز مخلص ... الشيف اللي مسؤول عن مثلا الباستا أو البيتزا أو ... الخ مش موجود. أعتقد كل هالأسباب تعتبر تافهه و دليل على اهمالهم .. و إلا بالله عليك منو ما يعرف متى بيخلص الدياي أو الغاز ... يعني حتى الناس في بيوتها اتحاسب و تاخذ قبل ما يخلص الشي من البيت ... فما بالك في مطعم كبير و المفروض يكون عندهم ناس اتشوف شو الناقص و شو اللي يحتايونه.... يعني بالمختصر أحسهم مثل ما اتقول إنه هم حاطين في بالهم ... سواء نقص شي أو زاد ... الخدمة سيئة أو زينه ... الطلاب و الطالبات راح يطلبون في النهاية لأنه ما عندهم خيار ثاني.
المشكلة اهني بعد إنه احن في المبنى ما عندنا على الأقل مكاين نشتري منها الخفايف .. فاعتمادنا الكلي عليهم.
و على سالفة المبنى ... كانت حالتنا سئية قبل .. و سيئة جدا بحيث كنا حتى ما عندنا مكان نيلس فيه .. بسبب صغر المبنى القديم ... كان ما يسد شي ... و ألحين الحمدلله بعد الصبر الله رزقنا بمبنى يديد ... و عقبال البقية الباقية بإذن الله.
اسمحلي أخوي على الإطالة .. و مبروك مرة ثانية ... كان المفروض يكون تخرجي هالسنة بعد ... بس الحمدلله هذا نصيبنا ... و بالتوفيق إن شاء الله
إيمان
فعلاً...يا شين الفقر
Mashallah....congrats on ur graduation!
May Allah increase ur knowledge.
Post a Comment