السلام عليكم ورحمة الله وبركاته
عندما كنت صغيرا كنت اسمع والدي يقول
اخر شي الهوا بيبيعوه
كنت في ذاك الوقت اقول ، وكيف سيكون ذلك
هل سيلزمون كل شخص باسطوانات يحملها على ظهره ؟
ولا بيركبون في انف كل واحد عداد << كم معدل الشفط
او لعلها ستُفرض ظريبة بدل تحويل الاكسجين الى ثاني اكسيد الكربون
بعد ذلك ابدأ بازالة تلك الصور من امامي .. واقول لن يحدث ذلك ابدا
انه مجرد مبالغة لان كل شيء يباع الآن .. ولم يبقى الا الهواء
لكن هذا ما يحصل الآن
البارحة كان عندي شغلة في دبي .. رحت ورجعت في نفس اليوم
وفي طريق العودة .. مريت شيشة ادنوك (اول شيشة ادنوك بعد دخول ابوظبي) على اساس نصحصح ونشرب شاي
لفت انتباهي علبه طويـــلة لونها ازرق .. وقفت اشوف
طلعت هوا
انصدمت .. قلت يمكن شي ثاني .. قمت اقرأ
فعلا هوا .. سعرها 39 درهم
ما ادري من اللي يشتري هوا
قلبتها .. اقرأ .. ارشادات استخدام
استنشقه اونه يوم تلعب كورة .. وعندما تبغي تصحصح ... الخ
هل وصلنا لمرحلة نشتري الهواء ؟
خلنا من الهواء وندخل في الالوان
كنت اتنقل بين ارجاء ابوظبي .. وواقف على الاشارة
الاشارة صارت خضراء
تأملتها .. وسألت نفسي
هل يستطيع احدهم مهما بلغ ان يوصف اللون الاخضر ؟
سؤال غريب
فعلا هناك الكثير من الاشياء التي نحس بها ونراها ولا نستطيع ان نعبر عنها
في تلك اللحظة << اشتاط اللي خلفي غضبا لاني لم اتحرك
7 comments:
ليش ما حد مصدق
والله والله والله
علبة هوا موجودة في شيشة ادنوك
هوا حق التنفس
السلام عليكم
محد قال هب مصدق ههه^_^
مصدقين وقبل ما ينزلونه في الامارات سمعت عنه في اليابان ولا ازيدك من الشعر بيت في نكهات جان تبا هههه نكهات فواكه انته عاد اختار
مثل ما كانو في السابق يقولون ان التراب والماي وغيره مستحيل ينباع ,,الحين يناع
انزين انا بخبرك خبر شفته في التلفاز :
تدري ان واحد باع حياته ؟؟
بتقول كيف ؟
يعني باع أصدقاءه حياته كلها يعني اسلوب حياته كلها باعها حق شخص !!
يعني صدق ناس تفكر كيف تكسب ذهب هههه
وتحيتي لك
زمان المصريين كانو يقولو لبعضهم البعض على القهاوي وعلى سبيل التعجيز "دحنا اللي عبينا المية في أزايز (قوارير)" وبعد كم سنة من هالكلام اتحقق وصار حقيقة واقعة.
وياخوفي تتحقق مقولتهم "دحنا اللي دهنا الهوا دوكو"، دوكو = أسود ،يصير عندك هوا اصفر عشان يوافق لون وجمال الغرفة وهوا ازرق عشان المزاج و.....الله يستر
محمد حيدر
مشكورين اخواني اللي فوق على المرور العاطر
وان شا الله نشتري لكم ازازة هوا << على قولة محمد حيدر
الصراحه اول مرة ادري ان الهوا صار
للبيع
اخبره ببلاش لوووول
اما بالنسبة لوصف اللون الاخضر فمثل
ما قلت في اشياء ما نقدر نفسرها بس
نعرفها :)
شي عجيب والله
حتى الهدوى صار يباع !!
الله يستر من الجاي
تذكرت خبر غريب قريته في احدى المواقع
شركة اتصالات تريد شراء ضحكة فنانه مصرية بمادري كم مئة الف
مو بس الهوى يباع .. حتى الضحكة صارت تباع
تحياتي لك وسوري عـ الباك
Post a Comment