السلام عليكم ورحمة الله
البارحة رحت احد المؤسسات .. كان عندي موعد لمقابلة احد الاشخاص
وعلى باب تلك المؤسسة .. حصلت احد المسؤولين اللي اعرفهم << كنت وايد مستحيي منه
كان عندي تلفون << بندت الخط في ويه ربيعي من الربشة
حليله سلم علي .. شحالك شخبارك
قالي بشر وين اشتغلت بعد التخرج
قلت له والله ما اشتغلت في مكان .. بعدني بطالي
رفع التلفون ليتصل على احدهم .. بعدين قالي انت جاي عندي ؟
قلت له لا والله .. عندي شغلة ييت اخلصها
قالي خلاص .. عقب ما تخلص شغلتك مر علي المكتب
فعلا رحت .. ورجعت له
الريال ما قصر الله يبارك فيه وفي عياله
عقب ما أكرمني .. كان قبل لا ارد له كلم حد في قسم التوظيف اقدم في تلك المؤسسة
وقالي سير بعد المؤسسة الفلانية .. فيها مدير اسمه كذا كذا .. كلمته وهو ما بيقصر معاك
انا سرت خذت الـ سي في .. ورحت عند الاخ هذاك
وصلت عنده .. يلسني .. خذ السي في .. نظر فيه باشمئزاز .. وعقب فره على الطاولة
وطالع فيني .. قالي انت ما عندك خبرة
قلت له توني متخرج
قال << انت ما ينفع تشتغل
قلت في خاطري خيـــــــــــــــبة
قال كمبتدئ ( جونير ) نحن متعاقدين مع شركة هم اللي يوفروا الموظفين
وكلهم هنود .. يعني ما ينفع لك
وما اقدر اوظفك سينير
وبعدين نحن مب مؤسسة خيرية نوظفك ونعلمك
نحن مؤسسة ربحية
في هذي اللحظة صادني احباط من الدرجة الاولى
حسيت اني يالس اطر منه .. حسيت لو قالي ما شي وظايف اسمحلنا عادي
فشيلة متوسطة .. لكن يقول نحن مؤسسة ربحية مب خيرية
لمدة ساعتين اصبت بنوبة احباط عاطفي .. وقلت خلاص ما عاد اقدم مكان
اليوم كان يكلمني واحد من الشباب
الحين تخرج فوق السنة .. وقدم في كل مكان
تخرج الاول على الدفعة .. بمعدل امتياز
والى الان ما زال يبحث عن عمل
حتى عرضت عليه انه يشتغل عندنا عاملة نظافة هع هع هع
فعلا مصيبة
اليوم كنت اكلم احدهم .. ففي معرض الكلام
كان عندي اكثر من شغلة .. فكنت اتصل على اكثر من مؤسسة
كل اللي تكلمت معاهم حريم
فكنت اتسائل في نفسي
أليس من المصلحة العامة انه الحريم يقعدن في بيتهم .. ويتركن المجال للرجال
اعتقد هذا فيه مصلحة الرجل ومصلحة المرأة نفسها
لان في حالة ان الرجل اشتغل
كان من الممكن ان يؤسس نفسه وعقب يستطيع ان يتزوج
واعتقد هذي احسن للرجل وللحرمة
من انه الرجل يقعد بطالي
والحرمة تشتغل واتم عانس .. ولا تعرس عقب الـ خمسين
طبعا في بعض المجالات المفروض ما ياخذها الا النساء
فانا مع
انه تكون اقسام خاصة في البنوك للنساء
بل وفي كل مكان .. انه يفصل
وطبعا الدكتورة و المدرسة وغيرها من الوظائف الخاصة بالنساء
لكن في وظايف .. ما يحتاي انه المرأة تاخذها
هذا والله اعلم
بعد فرحة الجميع بعد ان استطعت او اوفر رعاية بمبلغ ليس ببسيط
في هذي الصورة كان اخوي وزميلي طارق الهاجري يوقع لي على وشاح التخرج
بعد هذا اليوم المتعب رحنا في عشاء جماعي للشباب .. بس كنت تعبان صراحة وما لي خلق
